اسرار العشيقات مهم جدا

اسرار العشيقات موضوع قوي

اسرار العشيقات)


طمعا في الاجر من الله ثم في دعائكم لها
( الدكتوره ناعمه الهاشمي )
الموضوع يخدم جانب اساسي في العلاقه الزوجيه بين المرأه والرجل
ويدرس ويوضح اسباب توجه الرجل المتزوج لاحضان عشيقته دون زوجته الغافله
تحياتي لكل بنات المنتدى 00
دخلت دورة وكانت لمدة يوم واحد فقط واسمها ( اسرار العشيقات ) 00
بكتب كل الي استفدته من هاذي الدوره 00 وأتمنى البنات يستفيدوا
الدوره تتحدث عن سبب تعلق الرجل بإمرأه اخرى غير زوجته وتكون هاذي المرأه ( عشيقته )
وعشيقته = حبيبته
ويالأسف يابنات ان الي ألقت المحاظره تقول أن الكثير الكثير من العشيقات هم في حقيقة الأمر
متزوجات
والبعض مطلقات وأرملات
والبعض بنات ناس وجمعتها الصدفه مع زوجك سواء كان في دوام او اي فرصه ألتقوا فيها
يعني مب شرط تكون من بنات ال0000
علعموم يابنات المحاظره فيها نوع من المواضيع الجرئيه نوعا ما ولكن مفيده جدا جدا وخصوصا في عصرنا الحالي 00
انا بحط النقاط الي ينقال عنها مفاتيح الوصول لقلب الرجل 000 على لسان وحده محاظره دارسه في فرنسا ولها محاظرات وندوات كثيره 00000
وهالنقاط عباره عن 12 نقطه بكتب عنها نقطه نقطه مع الشرح والايضاح وفي حال وجود مثال او قصه بسردها لكم 000 لان القصص الي قالتها من خلال العشيقات الي يزورونها للعلاج انا قلت العشيقات 000000
وتسمى عشيقه لانها تحب 00 ويالاسف انه احتمّال يكون هذا الي تحبه زوجك
لانها على قولة المحاظره 00 تحبه بكل ذره موجوده فيه تهيم فيه هيام 00
بسرد لكم قصه قالتها لنا هذي المحاظره قبل اقول النقاط وقبل ابدا بشرحها 000
تقول ياطويلات العمر 000
جتها امرأه متزوجه وكانت بالفعل ( ملكة جمال ) تقول جتني تشتكي من خيانة زوجها مع وحده تشتغل وياه في الدوام 000 وان هالمتزوجه انصدمت بخيانة زوجها لها ( لاتستعجلوا بالحكم على الزوج ) 00
المهم 0000000 تقول المحاظره
ان هالي كانت وياه في الدوام قبيحه بكل معنى الكلمه ومافيها ذرة جمال 00 اعجبت بهذا الرجل وحبته وحطوا تحت حبته مية خط
في البدايه حاولت تلفت انتباهه 00 ساعه تروح تقوله ابيكم تكلم لي فلان وساعه تقول له ممكن تشرحي هالنقطه المهم ماخلت عذر الى وسعت عشان توصل لهالرجل 0000
كل هذا وهي تعرف انه متزوج 00 بس حبته وتبي توصل له بأي طريقه
المهم
الرجل حسّ ان فيه شي مب طبيعي 00 قالها يافلانه انا متزوج وأحب زوجتي 00 قالت مابي منك شي
بس ابيك تعطيني القليل من وقتك اذا كنت متضايقه اكلمك فيه <0000 شفتوا دهاء ومكر الحريم عشان توصل لقلبه بالهداوه
طبعا هو انحرج وما أبدى اي اعتراض
بعد فتره 00000
طلبت منه انها تقابله وقابلته 00 وماصار بينهم اي شي تطورت العلاقه لأن وصلت انه
افقدها عذريتها
وهنيه ربطته 000
والقهر يابنات انه راح وياها في الحرام وقع في الزنا 00 اثناء فترة نفاس زوجته في بيت اهلها
وهي استغلت هالفرصه زين 000000
هالقصه من قصص كثيره بتقرونها في الموضوع قصص حقيقيه واقعيه تحدث في بيوتنا
انا ماقول انا نتشبه في العشيقات 000 انا بس بقولكم كيف قدروا يخطفوا ازواجكم
مستغلات نقاط ضعفكم الكثيره والي تمارسونها بشكل يومي ويا ريلج وتخليه يهجّ 000 ويلقى وياها راحته الي فقدها وياج
موضوع جرئ اعيد وأكرر 00 وبيكون هناك تلميحات وكل امرأه ومتزوجه وحتى مقبله على الزواج بتفهمها بذكائها الفطري
بنات انا قلت ( لاتستعجلي بالحكم على الزوج ) ليش ؟؟
تدرون ليش 00
لأن بعد فتره اكتشف الرجل ان زوجته تزور هالمركز للعلاج ولاستشارات الاسريه عشان تنقذ بيت الزوجيه من هالمرأه
تدرون شسوى ؟؟
ارسلهم فاكس يقول فيه
زوجتي ماتريحني في ال00000 وهالمرأه ذقت وياها كل انواع الراحه لانها تستمتع وياي 00
تعيش وياي الحظه بكل جوارحها 00 انا زوجتي اذا طلبتها لل 0تحاول تمثل عليّ انها تستمتع ونا رجل وأفهم انه مجرد تمثيل في تمثيل
انا اذا زرت فلانه يقصد العشيقه <------ وتقول المحاظره انه كتب هاذي دنيتي وحياتي كلها
كلام ماقدر اكتبه بس افهموها 000 انه يعرف بكل نظره في عيونها وبخطوتها وبلمستها له انها تبيه
هههههههه اسفه ماقدرت اكتب الكلام الي وضحته
بس يبين يابنات مدى تولع الرجل بال 0000 ومهم جدا استجابة المرأه له ويشعر وياها انها ماتمثل انها فعلا عايشه وياه بمشاعرها وبعواطفها وناسيه كل شي في تلك الحظه
يقول زوجتي ساعه تقولي يوه خلص بسرعه00 او تقول كل يوم اغسل شعري 00 او يحس انها شارده في تفكيرها ويوم ينتهي يسئلها ماكنتي وياي 00 تقوله كنت افكر بولدي كان تعبانه واحليله
انا ما ألتمس العذر لهذا الزوج والي مثله 00 ابدا
بالعكس يبيله قطع رقبه 00 بس هو لقى له عذر يبر له خيانته وزوجته هي الي عطته هالعذر
أكبر خطأ ترتكبونه بحق ازواجكم
عيشي وياها الحظه بكل جوارحها واستمتعي بكل ثانيه فيه 00 خليه يحس انج انتي الي ترغبين فيه مب بس هو الي يرغب 00 لان هالشي يثيره جنسيا ويخليه يشعر بالراحه
تخيلوا يابنات ان الرجل عده طاقه جنسيه ضعف المرأه احنا نتكلم عن الرجل الطبيعي في رجل طاقته اكبر من المعدل الطبيعي تخيلوا 0000
الزمن تغير يابنات وحريم 00 وانتوا مجبرين تغيرون اسلوبكم مب عشان ريلج وبس عشانج انتي بع د
بنات بدأ بكتابة النقاط ال12 وبكتبها نقطه نقطه ويا الشرح والتوضيح 000
1- العشيقه تؤسس علاقه لتسعد فيها فقط فتنتقي كل تفاصيلها بدقه 0
شلون ؟
الشرح 00
انتي وغيرج من المتزوجات أو حتى المخطوبات والمقبلات على الزواج 00
قبل الارتباط كانت حياتنا وأوقاتنا 00
نقضيها 0000000000000 ويا الأهل ويا الصديقات ويا ممارسة الهوايات بالاهتمام بنفسي بشخصيتي بتطويرها بقرائة الكتب وغيره وغيره 00 كنا نقضي أوقات طويله لأنفسنا ونشعر بالسعاده فهالحظات الي نقضيها ويا اهلنا وخواتنا وصديقاتنا ويا هواياتنا الي نمارسها ويا دراستنا ويا كل شي نحبه ونستمتع فيه 00
بعد الزواج 000000000 والكثير منكم للأسف
تعطي زوجها كل وقتها 000 وحتى البعض تهمل بظهرها وبنفسها بمجرد انها شاغله تفكيرها بوين راح ويا منو جالس وياترا شو يسوي الحين وحتى تلقينها يالسه ويا أطفالها تدق عليه
وينك ؟؟
ياحريم ويابنات ترا الضغط يولد إنفجار
وحتى حبج الزايد له واهتمامج المبالغ فيه ودلعج له يعتبر أحد انواع الضغط الي يولد انفجار ومن ثم يؤدي الى مرحلة الطفش ومن ثم الهروب
العشيقه هو الي يدلعها 000 صحيح انها تدله بس بأشياء معينه تلقى هي فيها متعتها 00
بس تجبره انه هو الي يدلعها ويهتم فيها والبعض منهم ياخواتي يكتب الي وراه والي قدامه عشانها
ماسئلتوا نفسكم ليش ؟؟
المطلوب من كل وحده من خلال الفكره السابقه ( 1 ) يعني الي نبي نوصله 00
إنج لاتخلين عن صديقاتج ولا تتخلين عن ممارسة هواياتج ولا تتخلين عن أهلج ولاتخلين عن اي شي تحسين في المتعه فيه بمجرد اني تزوجت لا000 ممكن انج تخفين بس انج تلغين هلأشياء اكبر خطأ ترتكبينه في حق نفسج
حاولي تخلقين معادله بين اهتمامج بنفسج واهتمامج بريلج انا ماقلت روحي الصالون وسوي تنظيف بشره عشان تنعمين جلدج عشانه 00000 لأ لأ
سوي هالتنظيف عشان تشعري انتي بالاسترخاء عشان تشوفين ويهج في المرايه ونتي واثقه بنفسج تحسين انج يالسه ترفهين عن نفسج
بتقولين ماعندي وقت ؟؟
ياخواتي لو تدرون انتوا كم تضيعون اوقاتكم في التلفونات ومشاهدة التلفزيون بتنجنون
ماظن ان ماعندج وقت ولو مره في الشهر للترفيه عن نفسج يعني 12 مره في السنه معقول ماعندج
واذا انشغلتي بممارسة هواياتج الي تحبينها وتنظيم وقتج لج انتي وزيارة صديقاتج واهلج وحتى أهله وزيادة الروابط بينج وبينهم 0000 بتحسين انج سويتي شي لنفسج
( يعني بصحيح العباره : مايكون الزوج هو أكبر همي وإنشغالي )
والي تهمّل ذاتها يا إخواتي مستحيل تقنع زوجها بذاتها وبوجودها 000
إمليئ حياتج واشغليها بكل مايعود بالفائده لج انتي لج انتي لج انتي وحطوا تحتها مية خط
يابنات حاولي انج ماتكوني على طبيعتج قدام ريلج 00 عشان مايعتبرج واحد من الربع
ترا العشيقه ماعمرها كانت على طبيعتها قدامه 0000 مستحيل
حسي من داخلج انه هالريال غريب عنج بتقولين صعب 000 وليش أرهق نفسي ؟؟
يمكن في البدايه صعب بس بتعودين عليه 00 لأنج متى ماطيحتي الميانه بينج وبينه شلتي كل الحواجز والحدود المفروض تكون موجوده في نطاق وإطار عش الزوجيه
بقولكم مثال بسيط وشوفوا الفرق بين إمرأتين متزوجتين يعني ولا وحده فيهم عشيقه
الزوجه الأولى : مطيحه الميانه ويا ريلها بقوه
أول مادق عليها : ها جبت الملابس من الاندري 00 هات بطريقك حفاظات للياهل ترا ماعنده وبصوت كله خشونه وحدّه وارتفاع 000
أول مايدخل البيت ( نفس الزوجه ) 00 ها يبت الاغراض ولا نسيتها مثل كل مره 00 والبس الي عليها هو يوم طلع كانت لابسته ويوم رجع البيت بعد لابسته ( الرجل تهمه التفاصيل )
طلع من الحمام واقفه وراه راح يجلس يتفرج على التلفزيون راحت وجلست وياه ياربيه وين اشرد من هالحرمه
إتركيه هو الي يناديج 000
الزوجه الثانيه 00 يدق عليها هلا روحي ها شسويت اليوم في الدوام ( شفتوا الاهتمام ) عسا ماتعبوك يابعد روحي 00 يعل التعب في قلب عدوينك قبل لاتقفل السماعه 00 ممكن حبيبي هات لنا وياك ( قالت ممكن 00 وهات لنا ) ركزوا على العبارات ؟؟
أول مايدخل البيت 00 الابتسامه ( ولاحظوا يابنات انكم تكسبون أجر بالي تسونه ) والابتسامه تبعث قي نفسه ونفسج البهجه والرضا 00
لابسه لبس مختلف عن البس الي شافها فيه يوم طلع وحتى لون الروج متغير 00
ابعدي نفسج عنه وبتشوفينه هو الي ينساق لج بكل عواطفه 000
والانسان بغض النظر كان رجل او إمرأه بنت او ولد شايب ولا شاب يحبون الشخص المتفائل المبتسم
ونتي يوم تلبسين وتبتسمين وتعطرين وتدخنين كله عشانج انتي يابنت الناس مب عشانه هو اتفقنا
تخيلوا واحد من المتزوجين يحكي للباحثه عن عشيقته يقول حتى الأندر وير ينقط دهن عود ؟؟
وجسمها خالي تماما من الشعر ( شفتوا التركيز بالتفاصيل الي تغفلونها )
الخيانه اصبحت مرض متفشي 000 ؟؟ ونا وياج بهالنقطه للأسف اصبحت شي متفشي وبعنف
ونا حالي حال غيري 00 ومتزوجه 000 مملجه
وأبي أحافظ على زوجي 00 وأحافظ على بيتي 00 وأبعد عن كل السلبيات الي ممكن تأثر عليّ انا شخصيا 000
انا قلت قولي كلام حلو نابع من مشاعرج انتي مب مجرد تمثيل والله انا سويت وعملت وماباقي شي الى وسويته 0000000 قلت لج خطأ يابنت الحلال انج تضغطين على نفسج وعليه بهالحب لانه راح يكون منفر مب مقرب ابد
انا قلت حبيه واعشقي كل ذره فيه 00 وهو يمشي قدامج تأمليه اكيد هلانسان الي هو ريلج فيه ميزه 0000000
كوني صادقه وياه بمشاعرج 00 مب تكون مشاعرج وعباراتج وسيلة ضغط لأ 000
واتركي سالفة الخيانه الزوجيه وسالفة العبارات الرومانسيه وغيرها 000
احنا نتكلم عنج انتي شخصيا 00 ركزي بنفسج وتطويرها واستعيدي علاقاتج بربيعاتج واهلج ومارسي هواياتج واهتمامج بنفسج 000 وقوي من ذاتج وشخصيتج عشان تكونين شخصيه مستقله مب تابعه للزوج فقط 0000000
كوني شخصيه متفائله مبتسمه 00تثير البهجه
اتمنى انكم فهمتوني لاني مب يالسه اقنعكم انكم تقولون كلام حلو
ركزوا بالعبارات والنقاط زين 000
النقطه رقم ( 2 ) تدرون شو الفرق بين العشيقه والزوجه 000
الزوجه : تجعله أهم شي في حياتها <0000 الخطأ بعينه
العشيقه : تضيفه لحياتها 000 يعني يعتبر شيء إضافي لا أكثر 000
والخطأ الفادح الي تقع فيه أغلب المتزوجات وخصوصا في بداية حياتها الزوجيه انها تقول لزوجها على سبيل المثال
- والله يافلان ترا انا كنت مضطهده في بيتنا وأبيك تعوضني عن كل الي انحرمت منه 00
- يافلان انا أخوي كان يصفعني ويطقني لين كرهت كل الريايل أتمنى انك تفكني من هالعقده الي سببها لي أخوي 000
- يافلان أمي وابوي حرموني من حنانهم وابوي عمره مامسح على راسي ابي احسن بهالحنان وياك
تظل تقل من قيمتها بهالكلام وتقل من قيمة أهلها 00
في البدايه بيعطيها حنان يمكن شهر يمكن شهرين يمكن 3 واحمدي ربج بعد 00 بس بعدين ؟؟
وعلى لسان المحاظره بالحرف الواحد 000 بيكون هو أول من يدوس عليج
ماراح يحس ان وراج ظهر 00 ومابيحس ان لج قيمه أصلا طول مانتي محتاجه له وتظهرين له مدى حاجتج لوجوده في حياتج 000 فهمتوني ؟؟
طيب شو المفروض اقوله وشو المفروض أسويه 000 ولو كان مجرد كلام بس على سبيل تقوية فروعي 00
- تدري يافلان مره اخوي بالغلط يت ايده على ظهري بقوه وجلس طول اليوم يعتذر مني 00
- والله ابوي مامثله ريال عمري ماطلبت شي الى وفره لي وعمره ماحرمني من شي ياليت كل الأباء والامهات مثل ابوي وامي 00
- تخيل مره من المرات ربيعتي في المدرسه سبتني ابوي وامي راحوا لأهلها لين البيت يهاوشونهم ومن يومها وهالبنيه مب قادره ترفع راسها
والبيب بالإِشاره يفهم 00 واكيد راح يفهم ان وراج ظهر وسند وعزوة
حاولي تقوين من نفسج ومن ذاتج ومن شخصيتج وعلاقتج بأهلج بصديقاتج بكل من حولج 000
راح يفكر مليون مره قبل حتى يمّسج بكلمه ممكن إنها تجرحج 00
النقطه رقم ( 3 ) وهالنقطه وايد مهمه اخواتي
العشيقه : تحبه كما هو بكل مالديه من أخطاء وبدون أن توجه اليه النقد الدائم ولاتشعره ابدا بتأنيب الضمير
لزوجه : تنشغل وتصب اهتمامها باحداث تغييرات جذريه في حياة زوجها لكي يتناسب مع ذوقها ومستقبلها ومصالحها
شلون ؟
اذا كان الزوج تنقصه الشهاده الجامعيه على سبيل المثال تجلس تلّح عليه بشكل مستمر انه يكمل دراسته واحتمال كبير تكون الفكره غير وارده في ذهن الزوج فيشعر بالضغط الي يولد للهروب
وماتخيلون يابنات كم ان الرجل لايحب الطبع الحوح ولا يحب ان يشعر بأنكي تفرضين عليه شيئا وخصوصا اذا كان هذا الشي هو غير مقتنع فيه تماما
يعني اتركيه على راحته وتقبليه كما هو واذا أردتي ان تطوري من شخصية زوجكي عليكي القيام بذلك بطريقة صحيحه وغير مباشره ولايشعر بأنك تضغطين عليه بها
ومتى ماضغطتي عليه عليج وعلى أرائج ومقترحاتج السلام وحتى وان قلتي انا عشان مصلحته
بحكيلكم قصه قالتها المحاظره والمحاظره اسمها ناعمه الهاشمي 00
قالت واحد متزوج هو وزوجته في السياره 000 وكانوا رايحين عرس في منطقه بعيده عن المنطقه الي هم ساكنين فيها مسافة ساعتين تقريبا 00
وصلوا للمنطقه 000 وظلوا يدورون البيت 00
راحت الزوجته قالت له : يابن الحلال لاتفرفر فينا وتصدع براسنا شوف لك تاكسي وقوله الشارع وهو بيدلك 00000 أها
غضب الزوج غضبا شديدا وتخيلوا انه رجعها لبيتهم وقالها والله مافي روحه هالعرس 00 شفتوا الاسلوب الخاطئ في اختيار العبارات كيف يؤدي الى توليد مشاعر الضغينه والحقد بين الزوجين الى ان تصل الى الكراهيه للأسف
الزوجه تقول 00 والله ماكنت أقصد بس انا ماكنت أبي اتعبه 00 طيب ( الأجدر بها انها تستخدم اسلوب يوضح حرصها عليه وعلى تعبه وليس بصيغة أمر أو صيغه تنقص من قدره أمامج
ومن خلال كلام المحاظره ياخواتي ان كمية كبيره من العشيقات يروحون يحضرون محاظرات فقط لكي تعزز من علاقتها بعشيقها وكيف تكسبه بأسلوبها وشطارتها
وكل أمرأه فينا تحمّل من الذكاء الفطري مايكفيها انها تحدد الاسلوب الصح الي تتعامل فيه ويا ريلها